प्रदेश ४प्रदेश खबरराजनीतिराष्ट्रियसमाचार

दीपक मनाङेकै साथ छैन,मुख्यमन्त्री गुरुङलाई

मुख्यमन्त्रीले आज विश्वासको मत लिँदै

गण्डकीका मुख्यमन्त्री पृथ्वी सुब्बा गुरुङले आज प्रदेशसभामा विश्वासको मत लिँदैछन् । तर, उनलाई आफ्नै क्याबिनेटका मन्त्री दीपक मनाङेले साथ नदिने संकेत दिएका छन् । मुख्यमन्त्री गुरुङले आफूलाई बलियो बनाउनका लागि मनाङेलाई खेलकुद मन्त्रीमा नियुक्त गरेका थिए ।

विश्वासको मत पाउन मुख्यमन्त्री गुरुङले ३१ मत पाउनुपर्छ । ६० सदस्य रहेको प्रदेशसभामा एमालेको पक्षमा २८ सदस्य (स्वतन्त्रका मनाङेसहित) छन् । त्यसमा पनि माधवकुमार नेपाल पक्षका एकजना सदस्य छन्। मनाङेले मुख्यमन्त्रीलाई साथ नदिँदा र नेपाल पक्षका सदस्य इन्द्रलाल सापकोटाले फ्लोर क्रस गरेको खण्डमा विपक्षमा बहुमत पुग्ने पक्का जस्तै भएको देखिएको छ ।  

विपक्षमा कांग्रेसका १५, माओवादी केन्द्रका सभामुख बाहेक ११, जनता समाजवादी पार्टी (जसपा)का २ र राष्ट्रिय जनमोर्चाका तीनजना छन् । तर, जनमोर्चाका कृष्ण थापाले भने मुख्यमन्त्री गुरुङको पक्षमा मत दिने बताउँदै आएका छन् । थापाले गुरुङको पक्षमा मत दिँदा पनि विपक्षमा सभामुख बाहेक ३० जना पुग्ने देखिन्छन् । त्यसमा दीपक मनाङे र सापकोटाले साथ दिँदा विपक्षमा बहुमत पुग्ने देखिएको श्रोतको भनाई छ । 

Show More

Leave a Reply

Your email address will not be published. Required fields are marked *

Related Articles

Back to top button